2019 წლიდან ჭვენ ვავითარებთ სასწავლო გზებს ანთროპოსოფიისა და რუდოლფ შტაინერის ნაშრომების საფუძველზე. კურსები წარმოიშვა ანდრეას შმიტის იმპულსით. ის არის ვისცერული ქირურგიის სპეციალისტი, ფილდერკლინიკის ყოფილი უფროსი ექიმი და მრავალწლიანი სამეცნიერო თანამშრომელი კომპლემენტარული მედიცინის სფეროში ტიუბინგენის უნივერსიტეტში.

ის, რაც თავდაპირველად პირად ინიციატივად დაიწყო, დღეს ცოცხალ საერთაშორისო ქსელად იქცა. დღეს ჩვენ „თავისუფლების ფილოსოფიის“ ერთწლიან სასწავლო პროგრამასა და „სამშვინველის ექვს სავარჯიშოს“ 14 ენაზე ვთავაზობთ მონაწილეებს; ასევე, წამოვიწყეთ „თავისუფლების ფილოსოფიის“ არაბულ და სპარსულ ენებზე თარგმნის პროცესი და ამ გზაზე უკვე 3 000-ზე მეტ ადამიანს გავუწიეთ თანმხლები მხარდაჭერა.

ჩვენს კურსებს ძირითადად მოხალისეთა გუნდები უძღვებიან. კვირიდან კვირამდე, ამ საქმიანობის შედეგად, მსოფლიოს სხვადასხვა კუთხეში ნამდვილი ადამიანური შეხვედრები იბადება — სხვადასხვა ქვეყანაში, განსხვავებული წარმომავლობისა და ცხოვრებისეული გზის მქონე ადამიანებს შორის. მიღებული გამოხმაურებები ჩვენზე დიდ შთაბეჭდილებას ახდენს: ადამიანები, რომლებმაც ამ სავარჯიშოების მეშვეობით თავიანთი ცხოვრებისთვის ახალი შთაგონება ან პროფესიული განვითარების ახალი გზები იპოვეს; ადამიანები, რომლებიც პოლიტიკურად რთულ ვითარებაში იმყოფებიან და ჩვენს გარემოში შინაგან მხარდაჭერას განიცდიან; ან სკოლები, მაგალითად, ვალდორფის სკოლა ალიკანტეში — სადაც ერთწლიანი სასწავლო პროგრამა მთელმა პედაგოგიურმა კოლექტივმა ერთად გაიარა და ამის შედეგად მათი შინაგანი ერთობა და სამუშაო გარემო შეიცვალა.